ПОРЯДОК ЧТЕНИЯ ПСАЛТИРИ ПО УСОПШИМ
===================================================

1. Чтение Псалтири по усопшим до погребения*
--------------------------------------------
* Если псалтирь читает двадцатка (двадцать человек), то кафисмы со 2 по 20 начинаем с "Приидите, поклонимся…"

Молитвами святых отец наших, Господи Иисусе Христе Сыне Божий, помилуй нас, аминь.
Трисвятое по Отче наш.
Господи, помилуй (12 раз).
Слава, и ныне.
Приидите, поклонимся …
Псалом 90-й.
Слава, и ныне.
Аллилуия, аллилуия, аллилуия, слава Тебе, Боже (трижды).
Господи, помилуй (трижды).
Тропарь, глас 8-й: Глубиною мудрости человеколюбно вся строяй и полезная всем подаваяй, Едине Содетелю, упокой, Господи, душу раба Твоего (или: рабы Твоея): на Тя бо упование возложи, Творца и Зиждителя и Бога нашего.
Слава, и ныне: Тебе и Стену, и Пристанище имамы, и Молитвенницу благоприятну к Богу, Егоже родила еси, Богородице Безневестная, верных спасение.
И читаем Псалтирь, на каждой «Славе» творя тропарь о новопреставленном:
Покой, Господи, душу усопшего раба Твоего (усопшия рабы Твоея), имярек (поклон), и елико в житии сем яко человек согреши, Ты же, яко человеколюбец Бог, прости его (ю) и помилуй (поклон), вечныя муки избави (поклон), Небесному Царствию причастника (причастницу) учини (поклон) и душам нашим полезная сотвори (поклон).
По окончании Псалтири читаем псалом 50-й и Канон о усопшем.


2. Чтение Псалтири по усопшим после погребения*
-----------------------------------------------
* Если псалтирь читает двадцатка (двадцать человек), то кафисмы со 2 по 20 начинаем с "Приидите, поклонимся…"

Молитвами святых отец наших, Господи Иисусе Христе Боже наш, помилуй нас, аминь.
Царю Небесный …
Трисвятое по Отче наш.
Тропари, глас 6-й: Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава: Честное пророка Твоего, Господи, торжество. Небо Церковь показа, с человеки ликуют Ангели. Того молитвами, Христе Боже, в мире управи живот наш, да поем Ти: аллилуия.
И ныне: Многая множества моих, Богородице, прегрешений, к Тебе прибегох, Чистая, спасения требуя: посети немощствующую мою душу и моли Сына Твоего и Бога нашего дати ми оставление, яже содеях лютых, едина Благословенная.
Господи, помилуй (40 раз). 
И поклонов, сколько возможно.
Всесвятая Троице, Боже и Содетелю всего мира, поспеши и направи сердце мое начати с разумом и кончати делы благими богодухновенныя сия книги, яже Святый Дух усты Давидовы отрыгну, ихже ныне хощу глаголати аз недостойный. Разумея же свое невежество, припадая молюся Ти, и еже от Тебе помощи прося: Господи, управи ум мой и утверди сердце мое, не о глаголании устен стужати си, но о разуме глаголемых веселитися, и приготовитися на творение добрых дел, яже учуся, и глаголю: да добрыми делы просвещен, на судищи десныя Ти страны причастник буду со всеми избранными Твоими. И ныне, Владыко, благослови, да воздохнув от сердца, и языком воспою, глаголя сице:
Приидите, поклонимся Цареви нашему Богу (поклон).
Приидите, поклонимся и припадем Христу, Цареви нашему Богу (поклон).
Приидите, поклонимся и припадем Самому Христу, Цареви и Богу нашему (поклон).
И начинаем читать Псалтирь.

- Доходим до СЛАВЫ

Слава Отцу и Сыну и Святому Духу, и ныне и присно и во веки веков, аминь.
Аллилуия, аллилуия, аллилуия, слава Тебе, Боже (трижды).
Господи, помилуй (трижды). Слава Отцу и Сыну и Святому Духу.
Помяни, Господи Боже наш, в вере и надежди живота вечнаго преставльшагося раба Твоего (или: преставльшуюся рабу Твою, имярек) и, яко Благ и Человеколюбец, отпущаяй грехи и потребляяй неправды, ослаби, остави и прости вся вольная его (или: ея) согрешения и невольная, избави его (или: ю) вечныя муки и огня геенскаго, и даруй ему (или: ей) причастие и наслаждение вечных Твоих благих, уготованных любящим Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя, в Троице славимаго, верова: и Единицу в Троице и Троицу во Единстве православно даже до последняго своего издыхания исповеда. Темже милостив тому (или: той) буди, и веру, яже в Тя, вместо дел вмени, и со святыми Твоими, яко Щедр, упокой: несть бо человека, иже поживет и не согрешит. Но Ты Един еси кроме всякаго греха и правда Твоя правда во веки, и Ты еси Един Бог милости и щедрот, и человеколюбия, и Тебе славу возсылаем, Отцу и Сыну и Святому Духу, ныне и присно и во веки веков, аминь.

- По окончании кафисмы

Трисвятое по Отче наш.
Тропари покойны: Со духи праведных скончавшихся душу раба Твоего, Спасе, упокой, сохраняя ю во блаженней жизни, яже у Тебе, Человеколюбче.
В покоищи Твоем, Господи: идеже вси святии Твои упокоеваются, упокой и душу раба Твоего, яко един еси Человеколюбец.
Слава: Ты еси Бог, сошедый во ад и узы окованных разрешивый, Сам и душу раба Твоего упокой.
И ныне: Едина Чистая и Непорочная Дево, Бога без семене рождшая, моли спастися души его.
Господи, помилуй (40 раз).

Затем читается положенная после каждой кафисмы молитва.